🌱 ఆయుర్వేదం - గురివింద

గురివింద (ఆంగ్లం Jequirity, Indian Licorice) ఒక చిన్న ఔషధ మొక్క.పూర్వ కాలంలో గురువింద గింజలను బంగారం తూకం వేయటానికి ఉపయోగించేవారు. ఈ గింజలను లక్ష్మి దేవి స్వరూపాలుగా భావిస్తారు. అంతేకాదు సాలగ్రామ పూజలో వీటిని గౌడియ వైష్ణవులు వినియోగించేవారట. ఇక తమిళ సిద్ధులు గురువింద గింజలను పాలల్లో మరగబెట్టిన తర్వాత అందులో ఉన్న విష లక్షణాలు కోల్పోయే విధంగా చేసి ఉపయోగించేవారు.ఆరావళి పర్వత ప్రాంతాల్లోనూ , భారతదేశంలోని కొన్ని అడవుల్లోను గురువింద గింజలు విరివిగా లభిస్తాయి. దీని శాస్త్రీయనామం 'ఏబ్రస్ ప్రికటోరియస్, కాగా ఫాబేసి కుటుంబానికి చెందింది. గురివింద గింజల గురించి సామెత విని ఉంటాం.. గురువింద గింజ తన కింద నలుపు ఎరుగదని శాస్త్రం.  ఎవరైనా గొప్పలు చెప్పుకొని ఎదుటి వాళ్ళను అవమానించే వాళ్ళను గురువింద గింజలతో పోలుస్తారు. 

గురివింద గింజను విషపదార్థంగా భావిస్తారు ప్రతివారు. అయితే ఈ గింజను శుద్ధిచేసి ఉపయోగిస్తే ఔషధంగా కూడా వాడవచ్చు. ఈ గింజలు ఎరుపు, తెలుగు రంగుల్లో లభిస్తాయి. తెలుగు రంగు గింజలు మాత్రమే ఔషధంగా ఉపయోగపడుతాయి. ఈ గింజలనే కాక లేత ఆకులను, వేళ్ళను కూడా వైద్యానికి ఉపయోగిస్తారు. ఆయుర్వేద వైద్యంలో తెల్లగురివింద గింజలు వాడబడుతున్నాయి.

• గురువింద గింజ ఆకులను కొంత సేపు నోట్లో వేసుకొని నమిలిన తరువాత ఒకచిన్న రాయిని నోట్లో వేసుకొని నమిలితే ఆ రాయి నలిగి పిండి అవుతుందట. దీని అకులు విష పూరితం కాదు. అలాగే గింజలను కనురెప్పల కింద దాచి పెట్టడం, పల్లెల్లోని పిల్లలకు ఇదొక ఆట. ఆయుర్వేదంలో ఈ గింజల్లోని పప్పును కొన్ని రకాల మానసిక రుగ్మతలకు వాడుతారు.

• గురివింద విత్తనాలను కంసాలి బంగారాన్ని తూకం కోసం వినియోగిస్తారు. (గత కాలంలో బంగారాన్ని ఇన్ని గురుగింజల ఎత్తు అని అనే వారు)

☆ లక్షణాలు :

• ఇది తీగల ద్వారా ఎగబ్రాకే పొద.

• దీర్ఘవృత్తాకారంలో ఉన్న సన్నని పత్రకాలు గల ( చింతాకుల వలె) సమపిచ్ఛాకార సంయుక్త పత్రాలు.

• గ్రీవస్థ అనిశ్చిత విన్యాసంలో అమరి ఉన్న కెంపు రంగు పుష్పాలు.

• నల్లని మచ్చతో చిక్కని ఎరుపురంగు విత్తనాలు కలిగి ఉన్న ద్విదారక ఫలాలు.

☆ ఆయుర్వేద వైద్యంలో వీటి ఉపయోగాలు :

• లేత గురివింద ఆకులను నమిలితే గొంతు శ్రావ్యంగా ఉంటుంది. ఎక్కువ సేపు ప్రసంగించే వక్తలు, మిమిక్రీ కళాకారులు, సంగీత విద్వాంసులు, హరికథలు, బుర్రకథలు వినిపించేవారు ఈ ఆకులను నమిలితే మంచి ప్రయోజనం కలుగుతుంది.

• తెల్లబట్టతో బాధపడే స్ర్తిలు పరిశుద్ధం చేయబడిన గురివింద గింజలను మెత్తగా పొడికొట్టి, ఆ పొడిలో తేనెను కలిపి పుచ్చుకుంటే నివారణ కలుగుతుంది.

• ఈ గింజలు లేదా ఆకుల కషాయాన్ని తాగితే సుఖప్రసవమవుతుంది.

• గురివిందగింజలను కాలిస్తే వచ్చే పొగ దోమలను నిర్మూలిస్తుంది.

• చెవిపోటువస్తే గురివిందగింజ ఆకును నూరి ఆ పసరుపోస్తే తగ్గిపోతుంది.

• పేనుకొరుకుడుతో బాధపడుతున్నారా .. గురివిందగింజతోవైద్యం -- గురివింద గింజని బాగా అరగదీసి గంధం తీసి పేనుకొరికిన చోట రాయండి. ఇలా నాలుగైదురోజులు రాస్తే వెంట్రుకలు మళ్ళీ తిరిగి వస్తాయి.

☆ ఆయుర్వేద డాక్టరు సలహా ప్రకారంగానే ఈ గింజల ఔషధాన్ని వాడాలి. పరిశుద్ధం చేయని గురివింద గింజలను ఔషధంగా వాడినట్లయితే దాని విషతత్వంవల్ల ఎన్నో అనారోగ్యాలు ఏర్పడే ప్రమాదముంది.